روايه متكامله ج 1بقلم حبيبه مصطفي
انت في الصفحة 1 من 7 صفحات
اقټحمت الأم الغرفه وقالت بصوت عالي
الأم جميلة هو مش أنا دخلت من عشر دقايق اصحيكي قولتيلي خلاص يا ماما صحيت
ورد بنوم صحيت اهو يا جميلة
جميلة وهي تفتح باب البلكونه طبعا سهرانه علي الفون طول الليل لغاية ما بقيتي شبه الباندا
ورد أستيقظت قليلا يااا أمي أنا في أجازه و يومين و هنزل الكلية يعني مش هعرف أسهر تاني
ورد حاضر يا ماما حاضر
جميله يلا قومي عشان الفطار
ورد هصلي وأقوم أهو
جميله عارفه لو راحت عليكي نومه هبعتلك يزيد يصحيكي
ورد لا بالله عليكي مش ناقصين تناحه علي الصبح أنا صحيت أهو
فاقت ورد و صلت صلاة الضحي و قرأت أذكار الصباح ثم نزلت إلي الصالون وجدت عائلتها تجتمع حول السفره فقالت
العائله صباح النور
أخذت كرسي وجلست بجانب يزيد
يزيد ووه حيوان الكسلان بذاااته قاعد جنبي
ورد بس يا أبو كحكه
يزيد شوف مين اللي بتتكلم واحده عادت سنه تالته ثانوي مرتين ده أنتي أم فطير
ورد يزيد الكحكه بيتكلم ده أنت هتفتح فرنه من كتر الكحك
يزيد أول مره أشوف حد يجيب ملحق في كل المواد و ينجح في ماده واحده لا كتر خيرك
يزيد بضحك ما هو الماده الوحيده اللي نجحتي فيها أصلا
ورد كحكه عيب كده أحترم أختك الكبيره
يزيد فطيره متاخديش مقلب في نفسك
ورد أما نشوف
محمد الاب بمقاطعة احممم ولا كأني قاعد ... يعني بقول هيسكتوا هيسكتوا وانتوا لأ
يزيد هيا اللي عصبتني يا بابا
الاب محمد كحكه أنت تسكت خالص
الاب محمد وياريت ست فطيره تقعد ساكته
يزيد بضحك ياريت يعني
أنتهي الطعام في صمت
عند ڤيلا سعد ﷲ
جلس الجميع علي السفرة بهدوء فقال الجد
سعد ﷲ هو زين فين
سندس والدة زين سعديه طلعت تصحيه
ثناء مرات سمير والله اللي يسمع كده يقول إن البيه مجتهد في شغله فنايم من التعب
سعد ﷲ هو البيه ميعرفش إن السفره دي ليها وقت و إن لازم الكل يحترمه
زين بإعتذار أسف ياجدي راحت عليا نومه
سعد ﷲ متتكررش تاني يا زين بيه
زين حاضر يا جدي جلس بجانب أسر إبن عمه
ثناء والله لو كان أسر إبني كنت منعته من الأكل معانا النهارده..الأكل ليه أحترامه ومواعيده
سعد ﷲ خلاص يا ثناء الموضوع مش مستاهل
عنود ابنه ثناء لو أنا اللي إتأخرت كان زمانك يا جدي سمعتني الكلام لكن طبعا ده زين حبيب القلب
عنود ماشي أكملت طعامها
أسر مال عند زين قليلا وقال بصوت منخفض إن أمي و أختي مبطلوش شغل التعابين ده يموتوا
زين أبتسم وقال بصوت منخفض أحممم عيب يابني
أسر عيب إيه بس الواحد بدأ يزهق
ثناء في حاجه يا زين الكلام مش عاجبك ولا إيه أصل شيفاك بتشتكي لأسر
زين مفيش حاجه يا مرات عمي ده غير إن الموضوع مش مستاهل و جدي قال خلاص...ينفع ناكل بقي
أسر قال مش قولتلك تعابين
زين بضحك خفيف أستغفر الله
عند منزل محمد والد ورد
ورد بما إن كلكوا قاعدين عايزه أفتح معاكوا موضوع
أمير خير ياست ورد
ورد خير والله
نيرة طب يا ورد عايزه أمشي عشان متأخرش علي الشركة
ورد معلش يا نيره أسمعيني...خمس دقايق مش هياخدوا من وقتك حاجه
نيره حاضر يا ورد قولي
ورد أحممم أنا قررت ألبس الخمار
الأم جميله تاني يا ورد هو مش أنتي فتحتي الموضوع ده معايا وقولتلك لأ
ورد تاني وتالت يا ماما..أنتي ليه رافضه أوي كده رغم إنها حاجه صح
جميله يا ورد أنتي قولتي عايزه البس الحجاب وقولنا ماشي لكن خمار لا يا ورد
الأب محمد عايزه تلبسيه ليه يا ورد
ورد عشان أقرب من ربنا يا بابا..متقوليش أنتي لابسه الحجاب لأن ده كده مش حجاب..أنا يعتبر عند ربنا مش محجبه لأن حجاب علي بنطلون مش أسمه حجاب..حجاب قصير مش واصل لضهري ومش طويل من قدام عشان يحافظ عليا و عشان ده الحجاب الشرعي اللي أتذكر في القرآن يبقي اللي أنا لابساه كده مش حجاب..فأنا ليه أضيع وقت ليه ملبسش الخمار والبس لبس طويل و واسع عشان أبقي قدام ربنا إني محجبه وبحاول التزم
أمير بما إنها حاجه صح فأنا بشجعك يا ورد
نيره أممم بصراحه مش مقتنعه بس أنتي براحتك ده غير إنه هيكبرك يعني
ورد بصي يا نيرة مفيش حاجه أسمها أنا مش مقتنعه في الدين لأن دي حاجه إن معملتهاش هتحاسب عليها.. دي فيها جنه وڼار....دي فيها حرام و حلال فأنا مين أو أنتي مين عشان نقول رأينا في حاجه مصيرها معروف..ولنفترض إني مش مقتنعه ومش لبسته طب ما أنا كده هتحاسب
الأم جميله زي ما أختك قالت يا ورد شكلك مش هيبقي حلو فيه و غير كده هيكبرك و غير كده بصي أحنا قاعدين فين ده إذا كان صحابي و أصحاب أبوكي بيقولوا عليكي معقده عشان لابسه حجاب..إحنا بننزل مع أبوكي حفلات الشركة و معظم الناس بتستغربك
ورد يا ماما يا حبيبتي أنا مش عايزه البسه عشان شكلي..أنا عايزه البسه عشان ده هيقربني من ربنا و هكون شبه أمهات المؤمنين رضي الله عنهم و التزم أكتر في قربي من ربنا..وبعدين أنا مالي ومال صحاب بابا..يوم القيامه هتحاسب لوحدي وهدخل القپر لوحدي ساعتها مفيش حد هينفعني وغير كده الدين بتاعنا أمر باللبس ده عشان يغلي مني ليه أنا أصمم أظهر مفاتني للناس ومش بمعني إن اللي حوليا مش لابسين حجاب شرعي يبقي أكون زيهم و أعمل الغلط و أزعل ربنا مني وبعدين أنا كبيره بما فيه الكفايه عشان أقدر أحدد الغلط فين والصح فين
جميله يا ورد يا حبيبتي أنتي لابسه حجاب أهو و ربك غفور رحيم برضوا
ورد لا يا ماما التفكير ده غلط...أيوه ربنا غفور رحيم بس ده مش معناه أروح أعمل الغلط بقصد و أقول ربنا غفور رحيم..وبعدين الجمله دي بتتقال لما مثلا معملش السنه اللي سيدنا محمد صلي الله عليه وسلم كان بيعملها ساعتها أقول ربنا غفور رحيم لكن طالما الحجاب الشرعي ده فرض و أنا هتحاسب عليه ساعتها ربنا مش هيسامحني عشان كده ملتزمتش في اللي ربنا قاله
جميله رأيك إيه يا محمد
محمد الأب مش عارف
ورد مسكت يد والدها وقالت بص يا بابا البنت لو دخلت الڼار أو دخلت الجنه بتاخد معاها أربعة وهما أبوها و أخوها و زوجها و إبنها..سيب زوجي و إبني دلوقتي علي جنب..لكن أنا مقبلش إن أنت و أخويا تدخلوا الڼار بسببي...صدقني أنا بحاول التزم و ده فرض عليا ده غير إن حضرتك المفروض تجبرني البسه
محمد بجد أنا فرحان منك أوي يا ورد..أنا موافق يا حبيبتي البسيه و إن شاء الله تلتزمي بيه
ورد بدموع بجد شكرا أوي يا بابا بجد أنا بحبك جدا..... و أنتي يا ماما رأيك إيه
جميله ماشي يا حبيبتي ربنا يحفظك يارب
ورد حضنتهم وقالت هقوم
