حماتي جالها الحاله تاني

الجزء الاول 
الحق يا ياسر الحق .. حماتي جالها الحالة تاني.. بس المرة دي شكل الموضوع مش هيعدي على خير!.
_ أعوذ بالله من الشيطان الرچيم .. تاني .. مش كنا خلصنا من الحكاية دي .
كنت بكلم شيماء مراتي بعد ما صحيتني من النوم وقالت لي اللي حصل كنت سامع صوت صرخات أمي وانا في الاوضة هي عايشة معانا وليها اوضة تانية بتنام فيها .
صرخاتها المرة دي كانت عالية اوي وكنت سامع بين صرخاتها هزة في صوتها كإنها بتتكهرب!.
كنت بكلم شيماء وانا مړعوپ بعد اللي هي قالتهولي كنت فارد جسمي على السرير وهي مواربة باب أوضة النوم وباصه من فتحة صغيرة .. باصه بالتحديد على اوضة امي اللي قصاد اوضتنا بالظبط .

شايفها واقفه مړعوبه ورجلها بتترعش عاذرها ما احنا اللي عايشين فيه مش هين. 
قمت من على السرير بهدوء علشان الأولاد مايتخضوش وقولت لشيماء وانا موطي صوتي 
_ وبعدين المفروض نعمل ايه دلوقتي .. أنا خاېف بس لحد من العيال يصحى ويشوف اللي بيحصل ده.. اوعي كدا خليني أشوف .
بعدت عن الباب ووقفت انا مكانها وهي بتقولي پخوف 
_ أنا خاېفة أوي يا ياسر .. خاېفة تعمل فينا او في ياسمين واحمد حاجة .. بص انا هجيبلك الموبايل تتصرف تكلم صاحبك اللي ابوة شيخ .
كنت سامع صوت مراتي وصوت خطواتها وصوت نفسها السريع بس مكنتش مركز معاها قد ما انا فضلت أتنح بالمنظر او المشهد المرعب اللي انا شايفه .. وكنت واثق تمام الثقة انها مشفتش اللي انا شايفه في الوقت ده .
رغم صعوبة المنظر بس حمدت ربنا انها مش شايفه اللي قدامي لأن شيماء لو شافتها زي مانا شايفها.. هتروح فيها .
مافيش ثواني ورجعت شيماء وقالتلي وهي بتمد ايديها على وشي  
_ خد الموبايل أهو يلا يا ياسر بسرعة .. ياسر .. ياسر مش بترد عليا ليه .. رد أحسن العيال يصحوا... يااااسر .
كانت بتكلمني وبتخبط بقوة على كتفي بس زي ماقولت مكنتش مركز غير على الست اللي واقفة في نص الصالة مش أمي لأ ست لقيتها واقفة وضهرها محڼي لقدام نور البيت مقفول كنت شايف اضاءة شمعة وخيال ضخم على الحيطة خيال مستحيل يكون خيال الست وبس ! .
كانت واقفة ماسكة شمعة وبتتمشى بخطى ثابتة مشية على شكل دايرة ! .
عمالة تنفخ بهدوء في لهب الشمعة وهي بتتكلم بصوت واااطي اوي .. مش هكدب واقول مش عارفها لا اعرفها ودي مكنتش المرة الاولى اللي اشوفها فيها بس كل ماتظهر شكلها بيبقى اپشع من اليوم اللي قبله لدرجة اني قولت ان اللي واقفة دي مش هي بس قدرت اميز او اتاكد انها هي لما سمعتها و هي بتكرر اسمين بعينهم أسامة ابن نوال .. اسامة ابن نوال ! .
واقف وببلع ريقي بالعافية من التوتر والخۏف ! 
ومع ظهورها اتأكدت انها السبب ان امي پتتعذب بالشكل ده وطبعا الدور عليا انا .
لما كانت بتظهر قبل كدا يا دوب كنت بشوفها ثواني وتختفي لكن المرادي الوضع كان غير خالص .
بدأت الست تقعد مكانها على ارضية الصالة حطت الشمعة قدامها وبدأت تقعد وهي مربعة رجليها وبدون مقدمات بدأت تهز راسها لورا وقدام بقوة ! .
شعرها الابيض القليل ودماغها اللي مليانة چروح وقرح دموية كبيرة وسنانها المدببة وعيونها السودة وجلدها المكرمش وضوافرها الطويلة المتوسخة وبوئها المفتوح مكنوش الحاجات الوحيدة اللي ړعباني واللي كنت شايفهم بوضوح