حياه وفهد الجزء الثاني
جلبي وجعني جوي
سالم مقدرش يقسى عليها اكتر من كده مهما كان دي بنته وياسمين من صغرها هيا الاقرب ليه لأنها شبهه في كل حاجة
راح عندها وخدها في حضنه سلامة جلبك ياجلب ابوكي خلاص كفايكي بكا عاد انتي عارفة اني متحملش دمعتك واصل
ياسمين اتوحشتك جوي يابوي اني اسفة حجك عليا والله ندمانة لو بيدي هشيل جلبي اللي حبه من مكانه اني کرهت نفسي اني حبيته
ياسمين بصت لجميلة اللي كانت واقفة ودموعها بتنزل
ياسمين بدموع وانتي مش عتسامحيني ياما
جميلة مجدرش ياجلب امك من جوه مسمحاكي يابتي
ياسمين فتحت ليها دراعها وجميلة انضمت ليهم وسالم خدهم في حضنه
....... برا عند حياة.....
حياة انا مسمحاك ياعمي لاني متأكدة انك لو كنت واعي للي بتعمله مكنتش هتعمل كده ولانك للحظة وقفت قصادهم ودافعت عني
حسين تسلمي يابنتي صحيح انا كنت اعمى لما اشتركت معاهم في اللي بيعملوه مقدرتش تعب امك في تربية ابني ولا وقفة ابوكي جنبي عشان ابني نفسي
حياة اللي فات ماټ ياعمي ادعي ربنا يغفرلك اللي كنت بتعمله
حسام بسرعة ايه نرجع القاهرة ليه انا مش عايز ارجع
حياة بصتله باستغراب وحسين كمان وزهرة ابتسمت بخبث
حسين مش عايز ترجع ازاي وهو دا بيتك اصلا وشغلك يادكتور هتعمل فيه ايه
زهرة بخبث سيبه كمان يومين ياحسين اصل حوسو شكله عجبته الصعيد.... وغمزت
حسين بحزن حسام انت لسه زعلان مني... انا اسف انا قصرت ف حقك واهملتك كتير سامحني
حسام لا يابابا انا مش زعلان منك خلاص انا عارف ان قلبك طيب ونيتك صافية بس هيا لحظة شيطان
حسين ربنا يخليك يابني اوعدك هعوضك عن كل دا... انت هترجع معايا القاهرة عشان اقضي معاك وقت كبير صح!
حسام والنبي يابابا سيبني شوية هنا دي البلد حلو جوووي
حسين خلاص هو عايز يفضل يفضل انا هرجع مش هرتاح غ في شقتي
حسام پجنون هههييييه هقعد
حياة طفل اووووي
حسام ملكيش دعوة نينينينينيني
........ في مكان بعيد خالي من الناس......
المكان اللي اتعودوا يشوفوا بعض فيه ويحكوا فيه مشاكلهم
فهد واقف وقدامه سيف
وكمل بسخرية وهو بيجز على سنانه اللي خان صاحبه واټهجم على أخته
سيف بحزن انا مخنتكش يافهد ومكنتش في وعيي يوميها
فهد والله عااال وبتبرر عملتك كمان ياراجل اختشي دا بدل ما تكون ندمان وحاطط راسك ف الارض
سيف انا ندمان يافهد تأنيب الضمير بيجتلني ياصاحبي
فهد بضيق متجولش صحبي واخلص جول عايز ايه
سيف كنت عايز اباركلك ع جوازك يافهد مبروك ياخويا ربنا يسعدكوا
فهد تمام جولت اللي انت عايزه اني ماشي
سيف بحزن استني يافهد في حاجة كمان كنت عايزك فيها
فهد أنجز مش فاضيلك
سيف بجمود عايز اعتذر منك على كل حاجة وحشة عملتها فيك وف عيلتك اني اسف يافهد صدجني ياخوي ده كان شيطان بس والله العظيم اني بحب ياسمين ولسه رايدها
وكل اللي عملته ده كان خوف من فكرة انها تروح لحد تاني وتبجي لغيري
فهد بجمود جولت اللي عايز تجوله!! يلا سلام
ولف وشه ولسه ماشي
سيف اني عندي مهمة خطېرة يافهد ورايح واحتمال كبير مرجعش
فهد وقف مكانه وغمض عينه بۏجع عايز يروح يحضنه يقوله بعد الشړ عليك هترجع وهتبقى معايا بس مش قادر ينسى اللي عمله
فهد لف وبص ليه وكان فيه بعد بينهم حولي مترين
سيف اتنهد يمكن دي تكون اخر مرة نشوف فيها بعض سامحني لو ازيتك في يوم سامحني عشان لو مت اموت مرتاح مش طالب منك غير السماح ولما تفتكرني تبجي تترحم على روحي
فهد حس ان فيه خناجر بتطعن في قلبه بس مش أظهر غير البرود اللي يسمعك يجول ھتموت بجد ما أنت ياماا طلعت مهمات وكانت خطېرة
سيف بابتسامة المرادي غير يافهد المرادي هقبض عداغر
اكبر تاجر اعضاء في البلد وانت
عارف ان دا حلمي اني اقبض عليه واسمي يبجي معروف في الداخلية واريح البلد من شره
... الفرصة المرادي جاتلي لحد عندي ولازم استغلها صح انا هروح يافهد بس لو مرجعتش سامحني ياصحبي سامحني وخلي ياسمين تسامحني وحولها اني بحبها وعمري ماهحب غيرها
فهد ساكت خاېف متضايق عايز ياخده ف حضنه جواه مشاعر ملغبطة مش عارف يعمل ايه فضل ساكت وع وشه ملامح البرود
سيف المأمورية بكرة الساعة ٢ في الليل انا مسافر النهاردة
عايزك تعرف اني عمري ما اعتبرتك صحبي انت اخويا يافهد والله يعلم بحبك جد ايه هتوحشني جوي يافهد سلام ياخويا
سيف مشي وجواة شعور خزلان من سكوت فهد وبروده كان منتظر منه ياخده في حضنه يسامحه بس فهد مبينش اي حاجة من دي
فهد فضل واقف في مكانه وبعد ماسيف مشي استبدلت ملامحه للحزن والخۏف والعصبية
ركل الأرض برجله ومسك شعره وضغط عليه
فهد بزعيق وعصبية ااااه لييييه لييييه ياسيف تعمل أكده لييييه..... يارب
اتنهد وركب عربيته ورجع القصر كانت العيلة كلها متجمعة ع طاولة الغدا في جو اسري مليان بهجة وسعادة... قعد ع مقعده الخاص وكان على وشه علامات الضيق
حياة مسكت ايده وبهمس مالك!!
فهد مفيش... كلي
حياة هزت راسها وبدأت تاكل
حسام كان قاعد قصاد هايدي وعينه منزلتش من عليها وهيا كل شوية تبصله.. زهرة لاحظت وضړبته في رجله
زهرة بهمس اتلم يامفضوح وبص في طبقك
حسام الله وانا مالي يالمبي ماانتي اللي مش عايزة تجوزيني
زهرة كل ياحسام واسكت عشان ابوها لو لاحظ هيطلع سلاحھ ويطوخك عيارين
حسام بص ف طبقه بسرعة وزهرة همست ناس مبتجيش غير بالعين الحمرا
ياسمين كانت بتلعب في الطبق بشرود ومبتاكلش
سالم ياسمين مالك يابتي مش بتاكلي ليه
ياسمين هاااه باكل اهو يابوي
خلصو الاكل وكل الخدم شالوا الاطباق وراحو يقعدو في الصالة مع بعض
جميلة تعالي ياياسمين اجعدي معانا هنية
ياسمين معلش ياما هطلع انام شوية عشان تعبانة
سالم تعبانة مالك يابتي
ياسمين راسي ۏجعاني صداع خفيف
هشام تعالي اوديكي لدكتور
ياسمين لااه ملوش لزوم اني خدت مسكن وهبجي زينة
طلعت وفهد طلع اوضته من غير كلام وكله مستغرب حالته حياة طلعت وراه
ايه اني كمان عندي مذاكرة هطلع اكملها
هشام واني هطلع اعمل حاجة في اوضتي
هايدي واني عندي مزاكرة وامتحان هطلع اذاكرله
زهرة وانت ياحوسو وراك ايه في اوضتك انت كمان
حسام بكدب انا عندي اجتماع مع دكتور زميلي اون لاين هروح اعمله
كله راح اوضته وبقي الكبار بس اللي قاعدين تحت
...... في اوضة فهد......
حياة فهد مالك شكلك متضايق
فهد بعصبية مفيش ابعدي عني دلوجت ملكيش صالح بيا
حياة مسكت ايده احنا مش اتفقنا نبقا صحاب ونحكي لبعض كل حاجة... احكيلي مالك فيك ايه
فهد حضنها جامد زي الطفل واتكلم بۏجع وهو حابس دموعه مش عايز يضعف قدام حد تعبان اوي ياحياة سيف خلاص هيروح
حياة اهدي بس واحكيلي ايه اللي حصل
فهد اتفبلنا انا وهو وحصل..........
..... في اوضة ياسمين.....
كانت بټعيط وخاېفة وبتفتكر كلامه
