روايه مستر يحيى بقلم فيروز عبدالله
انت في الصفحة 1 من 8 صفحات
آخر حصة فى السنة ومش هشوفة تانى كنت ببتسم بحزن وأنا سامعاة بيكلمنا زى اخواتة الصغيرين عن مستقبلنا .. وختم كلامة وهو بيقول
_هتوحشونى أوى يا جماعه .. من اجمل الدفع إلى عدت عليا حقيقى ..
جسمى قشعر لما لقيتة قال جملتة الاخيرة و عينية كانت عليا ..
_احمم . . طب أية ناخد صورة
لف ظهره لينا و رفع ايدة بالتليفون ... وهنا تكون انتهت قصتنا مع الفيزيا .. وبالنسبالى أنا مع مستر يحيى حب عمرى و نبض خافقى
قومت معاها وأنا على الباب لقيت إلى بينغزنى فى ظهرى من ورا ببص لقيتة مستر يحيى !
قولت بتوتر ملحوظ نعم يا مستر
بصلى لأول مرة فعيونى وكانت نظرتة جادة .. وطيت رقبتى من كتر التوتر إلى كنت فية أنا إلى كنت بتكسف اتكلم معاة أو أسألة حاجة فى المنهج .. واقفين أنا وهو نتكلم لوحدنا !
بصتلة باستغراب شديد طبعا يا مستر دا انت إلى شارح !
طلعت منى آخر كلمة بعفوية ابتسم باطمئنان .. وقالى يعنى هنقطع الامتحان بكرة بإذن الله
قولتلة بحماس اطمن حضرتك كلة تحت السيطرة ..
يحيى طب ابقى طمنينى انتى عارفة أن دا آخر امتحان و عايزين ختامها مسك
زهرة حاضر ..
طلعت بسرعة من السنتر كانت سارة مستنيانى استقبلتنى بنظرات كلها خبث وهتروحوا تنقوا الدبل امتى
رفعت حاجب ودا اشمعنا إن شاء الله
سألتها اشمعنا أية !
حطت ايدها فوسطها و قالت اشمعنا انتى يعنى من بين كل الدفعة
رفعت كتافى مديت شفتى إلى تحت وقولت اسألية .. المهم تسبينى دلوقتى اعيش اللحظة و متفسديهاش بأسألتك دى . . !
روحت البيت لقيت اختى حنان قاعدة هى وماما بيتفرجوا على مسلسل و بياكلوا لب
ابتسمت وأنا بفتكر يحيى .. أها
حنان اخبارك أية فالفيزيا و ... وأخبار مستر يحيى أية
زهرة بانشكاح الاتنين زى الفل والحمدلله
باستنى على خدى وهى بتقول طب يلا روحى يا زوزو غيرى هدومك على ما أسخنلك الأكل.
حضنتها جامد وأنا مبسوطة أصل كل ما أفتكر إلى حصل مش ببقى قادرة أسيطر على مشاعرى .. حااضر
دخلت و أنا عندى حماس شديد للمذاكرة وبالفعل فرمت المادة .. و الامتحان عدى على خير أول ما روحت كنت هبعتلة رسالة اطمنة لكنى أتفاجأت برسالة منة هو عملتى أية
رديت الامتحان كان زى الفل يا مستر و الحمدلله كلة بفضل الله ثم بفضلك شكرا ليك جدا
لقيتة فى ثوانى شافها وتفاعل بقلب على الرسالة .. وبعت رسالة مبهمة كدا أقدر أجى وأنا مطمن
بعد يومين ... قومت على دوشة و زغاريط .. دخلت الصالة لقيت حنان بتجرى عليا وهى الفرحة مش سايعاها ..
باركيلى يا زهرة مستر يحيى اتقدملى !
يتبع
رواية زهرة ربيع القلب الفصل الثاني 2 بقلم فيروز عبدالله
بعد يومين ... قومت على دوشة و زغاريط .. دخلت الصالة لقيت حنان بتجرى عليا وهى الفرحة مش سايعاها ..
باركيلى يا زهرة مستر يحيى اتقدملى !
حسيت ان قلبى وقع و سألت پصدمة مستر يحيى مين !
ابتسمت وهى بتقرص أنفى بلعب مدرس الفيزيا بتاعك يا زوزو !
بعدت عنها وقولت بصوت بيرتعش مستحيل . . لا انتى اكيد متقصديش مستر يحيى إلى أنا بروحلة الطويل دا إلى بيلبس نظارة استنى استنى اوريكى صورتة !
كل إلى حواليها تبادلوا نظرات استغراب و دهشة لبعض وهى بتقلب فى التلفون پجنون علشان توصل لصورتة
اخيرا لقتها قربتها جدا من وش حنان وقالت هو دا !
حنان بمضايقة هتخرمى عينى ابعدية شوية .. مسكت التلفون وبصتلة شوية .. ثم احمرت وجنتاها و ردت وهى بتديلى التلفون .. آه هو ..
ماما قالت بفرحة وهى بصالى شوفى مدرسك هيبقى جوز اختك يا محاسن الصدف . . !
بصيت قدامى لقيت حنان بابتسامتها المعتادة إلى كنت أول ما بشوفها قلبى بيطمن .. مش عارفة المرادى أول ما شوفتها لية قلبى اټرعب وخاف .. .
قالت وهى بتمسك ايدى أية رأيك فى المفاجأة الحلوة دى بقى !
الزمن وقف بيا للحظة .. يعنى هى موافقة ماما موافقة بابا مبتسم و يبدو أنة موافق جدا . . مفيش غيرى أنا إلى نفسى اصړخ وأقول الجوازة دى لا يمكن تتم ! مستر يحيى دا بتاعى أنا وحبيبى أنا بس
أيوة ! أنا حبيتة الأول .. كنت بقابلة اكتر . . عينة جت فعينى اكتر ! .. واعرفة احسن من اى حد فيكو !
بس للأسف كونك حبيت شخص الأول دا ميدلكش أى نقط زيادة أو افضلية أنة يختارك ..و واضح أنة اختارها هى بعد كل دا . .
ابتسمت بحزن . . ولونى كان نفسى ابقى بتطنطت و مبسوطة فى اليوم إلى اختى لقت خلاص شريك رحلتها فية . . وقولت ألف مبروك يا حنان .. ألف مبروك
حسيت ان دموعى هتنزل من عينى حضنتها بسرعة و وطيت وشى علشات محدش يشوفى . . ربنا يتمملكوا بخير يا حبيبى ..
دقيقة وكان ولاد خالتى هنا .. علشان هما ساكنين فالدور إلى فوقينا باركولها و كانت الفرحة والبهجة مالية المكان .. واضح ان وجودى هنا هينغص عليهم فرحتهم وخلاص بتكشيرتى دى .. أنا من الناس إلى مشاعرها بتنعكس على وشها ومتقدرش تتحكم فيها حاولت ابتسم كتير و اشاطرهم الفرحة بس مقدرتش ..
انسحبت بسرعة لغرفتى وقفلت الباب خالص وقعدت أعيط ..
جة يحيى اتقدم رسمى هو وعيلتة كنت خاېفة جدا فالواقع من مواجهتة أنا مش هفتح بؤى .. بس عيونى هتبوح بكل حاجة .. علشان كدا مطلعتش من اوضتى خالص تقريبا ..
غير علشان اقرأ الفاتحة معاهم ولمحت أد أية هو كان مبسوط . . لمحت الحب فعيونها تجاهه والعشق فعيونة ليها ..
ليلة اليوم دا مكنتش طايقة نفسى ولا طايقة حد كنت مستنية أى حد يكلمنى افش كل القديم والجديد علية علشان معنتش مستحملة
ولقيت فنفس اللحظة سارة بتتصل .. فتحت بسرعة وقولت كنتى فين يا هانم كل دا مختفية و متسأليش عنى !
لقيت صوت حزين بيجاوب .. أنا آسفالك يا زهرة مكنتش عارفة لما أكلمك المفروض اقولك أية ..
لقيت نفسى بعيط من غير ما احس خليكى جنبى و خلاص يا غبية على الأقل لازم يبقى فية حد واحد حاسس بيا !
عيطت هيا كمان حقيقى أنا آسفة .. بس متقلقيش كل دا هيتصلح .. كلة !
سألتها هيتصلح ازاى يعنى !
سارة معرفش معرفش بس اكيد دى مش نهاية القصة يا هبلة انتى
________________________________________
احنا لسة صغيرين و
الحياة قدامنا أكيد هتلاقى ناس احسن و اجمل من يحيى دا
زهرة بس أنا مكنتش عايزة حد اشطر ولا اوسم .. أنا مكنتش عايزة غير يحيى .. بكل مافية من حلو ووحش كنت عايزاة هو بس !
سارة كل حاجة بتتغير .. الزمن بيغير شكل الأرض إلى عايشين عليها زى ما خدنا فالجغرافيا ولا انتى نستيها
زهرة ياستى أنا فاكرة أنا متغدية أي امبارح اسكتى !
سارة بضحك بوظتيلى الحكمة يا شيخة هقولها من الاول الزمن بيغير شكل الأرض إلى عايشين عليها مش هيقدر يغير مشاعر واحدة كل يوم برأى زيك
زهرة بتمسح عيونها من الدموع فكرك
زهرة فكرى جداااا !
بعد اسبوعين
للأسف مفيش حاجة اتغيرت .. وكل يوم كنت بشك اكتر فى كلام سارة لأن اشتياقى و تعلقى بمستر يحيى بيزيد !
قلت ابتسامتى خالص فى البيت واختى حست بدا لقيتها دخلت عليا الاوضة وإيدها ورا ظهرها ولما قربت منى طلعت بإيدها شوكولاتاية كبيرة من نوعى المفضل وقالتلى شوفى جبتلك أية .. بالهنا والشفا على قلبك
خدتها منها .. وأنا بفكر ينفع تبطلى طيبة و حنية بقى أنت كدا بتخلينى اكره نفسى اكتر ! .. ابتسمت باصطناع تسلميلى يا كوكو ..
قعدت جنبى وهى بتسأل مالك بقى يا ست الكل
جاوبتها مالى منا زى الفل اهوة
قعدت جنبى وقالت بهزار لا مش باين .. لو يحيى مش عاجبك والله افشكل الجوازة علشان خاطرك يا جميل .
لوهلة كنت هفقد السيطرة واقولها آه فشكليها ومن غير رجعة بس تمالكت نفسى لأ بالعكس أنا مبسوطة أنك لاقيتى حد زى مستر يحيى
ابتسمت .. ومسكت ايدى جامد وقالت بحماس يعنى هتيجى
باستغراب آجى فين !
حنان تيجى معايا أنا وهو ننقى الشبكة ! شبكتى يا زوزو !
زهرة نعمم !
وهكذا روحت انقى الشبكة مع اختى و خطيبها وماما حاولت اتحجج كتير بس قالولى انتى لازم تبقى موجودة .. وانتى اكتر واحدة فينا بتفهم فالحاجات دى ..
لبست طقم فرايحى حطيت ميكب خفيف وفضلت اقول بينى وبين نفسى النهاردة هيبقى يوم حلو مبهج .. خليكى مبتسمة !
جة مستر يحيى بالعربية بتاعتة ومامتة كانت معاة ركبنا فيها وروحنا للصايغ .
كنت طول الوقت ببص من الشباك و لكن دا ميمنعش انى كنت ببص على المرايا واختلس نظرات علية من حين لآخر .. أعمل أية مقدرتش امنع نفسى!
فى المحل
حنان كانت بتقيس خاتم و بفرحة ورتهولى .. أية رأيك فدا يا زهرة
بصيت علية و قولت وأنا بشاور على دبلة تانية لا دى احلى بكتير شوفى كدا
قالتلى بخيبة أمل عجبتنى أوى بردة بس للأسف مش جاية على مقاسى ..
قولت بسرحان وأنا بقيسها وكان مظبوط عليا .. مش مهم مهى جاية على مقاسى أنا .. !
يتبع
بارت ٣
حنان كانت بتقيس خاتم و بفرحة ورتهولى .. أية رأيك فدا يا زهرة
بصيت علية و قولت وأنا بشاور على دبلة تانية لا دى احلى بكتير شوفى كدا
قالتلى بخيبة أمل عجبتنى أوى بردة بس للأسف مش جاية على مقاسى ..
قولت بسرحان وأنا بقيسها وكان مظبوط عليا .. مش مهم مهى جاية على مقاسى أنا .. !
فوقت على نظرات استغراب و صدمة بالذات من مامت مستر يحيى .. الصمت كان طاغى على المكان و مش قادرة اوصفلكم الكسفة و الاحراج إلى كنت فيهم !
فجأة حنان ضحكت بصوت مسموع مش هتبطلى هزارك دا بقى !
وبصت لوالدة يحيى فابتسمت بضيق .. وفضلت تبصلى بشك طول الخروجة .. كنت حاسة كأن چريمة قتل حصلت وأنا المتهمة و بمجرد ما هيتأكدوا من ظنونهم و ابقى مذنبة هياخدونى لمنصة الاعډام !
محستش بالحرية ولا أنى قادرة اتنفس عادى غير لما روحنا مستر يحيى وصلنا و مشى هو
